Хатан Ивээл Хайрхан ХХК
Бид үйлдвэрлэж буй бүтээгдэхүүнүүдийнхээ ширхэг бүрийг чанарын өндөр түвшинд гүйцэтгэж
хэрэглэгчдийнхээ ая тух, стандарт, хэрэгцээ шаардлагад бүрэн нийцсэн байх зарчмыг
цаг үргэлж Эрхэм Зорилго болгон ажилласаар ирсэн.
Анх 2012 онд Дархан-Уул аймгийн Шарын гол сумандаа өрхийн үйлдвэрлэлээс эхэлж байсан бизнес маань өнөөдөр гутал үйлдвэрлэлийн чиглэлээр иж бүрэн тоноглогдсон 2 цех, 20 гаруй ажилтантай аж ахуйн нэгж болон өргөжсөн байна.
Ийнхүү 2014 оноос хөдөлмөр хамгааллын гутал үйлдвэрлэж эхэлснээр өдгөө 10-н жилийн туршлагыг хуримтлуулжээ.
Үйлдвэрлэл эрхэлж байх хугацаандаа дараах байгууллагуудтай ХӨДӨЛМӨР ХАМГААЛЛЫН ГУТАЛ нийлүүлэх чиглэрээр хамтран ажиллаж байна. Үүнд:
-2014-2019 онд "Шарын голын нүүрсний уурхай" ХК
-2019 оноос хойш "Зэс эрдэнийн хувь" ХХК
-2019-2020 онд "Улаанбаатар гурил" ХХК
-2023 оноос эхлэн "Эрдмин" ХХК, "МАК" ХХК, "Дархан Сэлэнгийн цахилгаан түгээх сүлжээ" ХК, "Дархан дулааны сүлжээ" ТӨХК
Бид үйлдвэрлэж буй бүтээгдэхүүнийхээ чанар, загвар хийцийг тогтмол хөгжүүлэн сайжруулж байдаг бөгөөд хэрэглэгч байгууллага, иргэдээс ирж буй санал шүүмж, сайшаал магтаалыг тогтмол хүлээн авч бүтээгдэхүүнийхээ чанар, технологи, дизайныг цаг тухайд нь шинэчлэн үйлдвэрлэж байна.
Манай баг хамт олны хөдөлмөр бүтээлийг үнэлэн дараах шагналуудыг олгосон. Үүнд:
-2013 онд Дархан-Уул аймгийн Шарын гол сумын ЗДТГ-ын шагнал "Алтан намар-Шарын гол" үзэсгэлэн худалдааны "ҮНДЭСНИЙ ҮЙЛДВЭРЛЭГЧ-2013" төрөлд НЭГДҮГЭЭР БАЙР.
-2016 онд Дархан-Уул аймгийн Шарын гол сумын ЗДТГ-ын шагнал "ХҮНДЭТ ӨРГӨМЖЛӨЛ "
-2018 онд Дархан-Уул аймгийн Шарын гол сумын ЗДТГ-ын шагнал "ХӨДӨЛМӨРИЙН АВАРГА"
-2022 онд Дархан-Уул аймгийн "ШИЛДЭГ ҮЙЛДВЭРИЙН БҮТЭЭГДЭХҮҮН"
-2022 онд Загвар-К19 бүтээлээр Дархан-Уул аймгийн "ШИЛДЭГ БРЕНД БҮТЭЭГДЭХҮҮН"
-2023 онд Загвар 061 бүтээлээр Дархан-Уул аймгийн "ШИЛДЭГ БРЕНД БҮТЭЭГДЭХҮҮН" зэрэг онцлох шагналуудыг хүртсэн.
ҮЙЛДВЭРИЙН ХҮЧИН ЧАДАЛ
Манай компани нь 2025 оны Нэгдүгээр улирлын байдлаар өдөрт 50-60 хос гутал үйлдвэрлэж байгаа бөгөөд цаашид эрэлтийг өсгөх замаар нийлүүлэлтээ нэмэгдүүлээд явахад хангалттай нөөц хүчин чадал бидэнд байна.
Бидний үйлдвэрлэлдээ ашиглаж буй гол багаж, тоног төхөөрөмжүүдийн жагсаалт болон модель:
Мөн манай компанийн түүхий эдийн нөөц хамгийн багадаа 5000 хос гутал үйлдвэрлэх хүчин чадалтай байдаг.